Fondacioni “Zonja e Këshillit të Mirë” i ka dhuruar Qendrës Spitalore Universitare “Nënë Tereza” 8 elektrokardiograma për të fuqizuar shërbimin ndaj pacientëve që vuajnë nga probleme kardiake. Falenderojmë donatorët tanë si dhe shprehim gatishmërinë tonë për bashkëpunime të tjera në të ardhmen në fushën e Mjekësisë!
U hap sot urgjenca e re e spitalit infektiv në QSUNT, një investim i munguar prej vitesh, që garanton një cilësi të përmirësuar shërbimi për qytetarët dhe kushte më të mira pune për stafin mjekësor, standarde bashkëkohore, dyfishim kapacitetesh dhe bokse izolimi.
Një ndërhyrje e rrallë tek një bebe vetëm 11 ditësh me keqformim të palcës së kurrizit u realizua me sukses nga ekipi i mjekëve të neurokirurgjisë, kirurgjisë pediatrike, reanimacionit pediatrik dhe shërbimit të djegie-plastikës në QSUT.
Falë investimit të fundit të Ministrisë së Shëndetësisë dhe Mbrojtjes Sociale për rezonancën e re moderne në neurokirurgji, u bë e mundur identifikimi i keqformimit të rrallë dhe me profesionalizmin e ekipit multidisiplinar të mjekëve të QSUNT, sot gëzon shëndet të plotë.
Po përfundon instalimi i Rezonancës së re 3T në QSUNT, pajisje e fjalës së fundit të teknologjisë, e vetmja në vend.
Kjo aparaturë përmirëson nivelet e diagnostikës dhe rrit cilësinë e shërbimit mjekësor për pacientët.
Një investim i qeverisë shqiptare në vlerën prej 1.1 milion euro për 2018.
Nga takimi me delegacionin e Bankës Botërore, kryesuar nga Znj.Tania Dmytraczenko, drejtuese për rajonin e Evropës Qëndrore dhe Azisë për cështje të shëndetit, ushqyerjes dhe popullsisë.
si dhe do të ofrojë asistencë teknike për vlerësimin dhe përmirësimin e menaxhimit spitalor.
Gjatë këtij takimi u diskutuan gjithashtu edhe çështje të rëndësishme të lidhura me reformimin e sistemit shëndetësor, ku QSU”Nëne Tereza” luan një rol shumë të rëndësishëm si institucioni që ofron nivelin më të lartë terciar universitar dhe klinik për diagnostikimin, trajtimin dhe rehabilitimin e pacientëve.
Vazhdojmë të punojmë për të përmirësuar shërbimin ndaj pacientëve. #WorldBank #QSUT
Shërbimi i Psikiatrisë së Fëmijëve e Adoleshentëve në QSUT është rehabilituar duke u kthyer në një klinikë tërësisht të re, me kushte e standarde bashkëkohore, për t’i shërbyer sa më mirë trajtimit të fëmijëve që vuajnë nga problemet e shëndetit mendor. Ambientet e reja u vizituan nga ministri i Shëndetësisë dhe Mbrojtjes Sociale znj. Ogerta Manastirliu si dhe kryetari i Bashkisë Tiranë z. Erion Veliaj, të shoqëruar nga drejtori i përgjithshëm i QSUT z. Enkelejdi Joti.
Kjo klinikë, pjesë e Shërbimit të Psikiatrisë në Polin e Integruar të Neuroshkencës, është e vetmja strukturë me shtretër në vend, për këtë profil.
Në këtë klinikë ofrohen shërbime ambulatore, shërbime të spitalit ditor dhe shtrime për rreth 1500 fëmijë e adoleshentë, në vit. Diagnozat më të shpeshta që trajton kjo klinikë janë: çrregullimet e zhvillimi, psikozat e hershme, çrregullimet afektive, çrregullimet e ankthit ashtu si edhe anoreksitë dhe çrregullimet e tjera të ushqyerjes. Në shërbim të këtyre fëmijëve operon një staf i tërë mjekësh, psikologë, infermierë e kujdestarë si edhe residentë të shkollës së specializimit pasuniversitar në psikiatrinë e fëmijëve dhe adoleshentëve.
Psikiatria e Fëmijëve është klinika ku punohet për të ruajtur aktivitetin normal të fëmijëve, ndërkohe që përballet me vështirësitë e qëndrimit larg shtëpisë, në përpjekjen për të luftuar me sëmundjen. Ambientet në një spital psikiatrik fëmijësh janë shumë më tepër se hoteleri, janë ambiente terapeutike, siç kanë marrë formën tashmë falë rehabilitimit të ri të kësaj strukture.
Kështu synohet të bëhet i mundur jo vetëm trajtimi biologjik i pacientëve, por gjithashtu përballja me një sër sfidash, duke u përpjekur që t’i ofrojmë pacientëve lehtësira për të përmirësuar shëndetin dhe mirëqënien e tyre, në sajë të aktiviteteve në kohën e lirë, të cilat ndihmojnë pacientët tanë të vegjël të përmirësojnë dhe lehtësojnë jetën në komunitet, pas daljes nga spitali.
Rehabilitimi i kësaj strukture kaq të rëndësishme vjen si një investim falë partneritetit me Bashkinë e Tiranës dhe ANTA.
22/05/2018
Shintigrafia e Miokardit me SPECT, një ekzaminim tejet i rëndësishëm nëdiagnostikimin e stratifikimin e riskut të sëmundjes koronare dhe nëvlerësimin e viabilitetit miokardial, mund të realizohet tani e tutje edhenë Qendrën Spitalore Universitare “Nënë Tereza”, Tiranë.
Ky ekzaminim rekomandohet si ekzaminim fillestar në pacientët me dhimbjegjoksi që kanë EKG të painterpretueshme, si dhe kur qëllimi është vlerësimii viabilitetit miokardial.
Kjo sipërmarrje i hap rrugën e zhvillimit Kardiologjisë jo-invazive,nëpërmjet kryerjes së testeve imazherike funksionale të munguara deritani.
Në studimet e kryera në mbarë botën është parë që Shintigrafia e Miokarditrrit ndjeshëm saktësinë diagnostike e prognostike të variablave klinike etë EKG-së ushtrimore. Shintigrafia e Miokardit me SPECT është një testfunksional me sensitivitet të lartë në diagnostikimin e sëmundjes koronare,e cila ka munguar në qendrën tonë spitalore. Ndër testet imazherikefunksionale, rolin kryesor e luajnë Stress-Ekokardiografia dhe Shintigrafiae miokardit me SPECT (Single Positron Emission Computed Tomography), tëcilat vlerësojnë përkatësisht anomalitë e kinetikës dhe perfuzionin emiokardit si tregues të sëmundjes koronare.
Sëmundja e arterieve koronare është një ndër shkaqet kryesore tësëmundshmërisë dhe vdekshmërisë në botë. Ajo ka marrë përmasa endemike menjë impakt të rëndësishëm në kostot e kujdesit shëndetësor
Identifikimi i hershëm i pacientëve me sëmundje të arterieve koronarendihmon në reduktimin e shpenzimeve të kujdesit shëndetësor, si dhe nëuljen e sëmundshmërisë dhe vdekshmërisë. Testet jo invazive janë tërëndësishme, nga njëra anë për të përjashtuar sëmundjen koronare me siguritë lartë dhe nga ana tjetër për të zbuluar pasojat e saj hemodinamike që nëstadet e hershme, duke bërë të mundur menaxhimin optimal të pacientëvekardiakë.
Qendra Spitalore Universitare “Nënë Tereza” ka organizuar një workshop për stafin e saj kryeinfermieror.
Workshop-i me temë “Lidershipi dhe Menaxheri në Infermieristikë. Karakteristikat e një lideri transformues dhe zhvillimet ndikuese në profesionin e infermierit”, u organizua nga Drejtoria e Performancës Spitalore, në kuadër të Edukimit në Vazhdim.
Qëllimi i këtij workshop-i ishte ndarja dhe promovimi i gjetjeve dhe praktikave të bazuara në evidenca përmes përqasjes së njohurive, standardizimit dhe vlerësimit sistematik në mjediset e praktikës klinike, në mënyrë që të përmirësohet cilësia e drejtimit dhe performancës së kujdesit të ofruara në shërbimet spitalore, si dhe për të mësuar rreth zhvillimeve të reja në fushën e infermieristikës.
Drejtues të këtij Workshop-i ishin 3 lektorë dhe pjesëmarrës ishin 30 kryeinfermierë të shërbimeve të ndryshme të QSUT-së.
Gjatë workshop-it u prezantua performancë duke përdorur mjete edukative dhe burime logjistike, diskutime intensive në grup dhe improvizime, me qëllim eksplorimin në aspekte të reja dhe strategji praktike.
Ky workshop vjen si një risi e sjellë nga Sektori Infermieristik i QSUT, në kuadër të Edukimit në Vazhdim për vitin 2018 dhe nuk do të jetë i vetmi, pasi priten edhe 2 workshop-e të tjerë të këtij lloji, të cilët do të kenë në fokus krijimin e protokolleve të kujdesit infermieror dhe performancën e personelit infermieror dhe kryeinfermieror.
ABI Bank në bashkëpunim me Drejtorinë e QSU “Nënë Tereza” organizuan një aktivitet festiv me rastin e festave të fundvitit me fëmijët që po kurohen këto ditë në shërbimin e Pediatrisë. Stafi i kësaj banke, shpërndau dhurata për pacientët tanë të vegjël dhe mundësoi organizimin e disa lojrave të ndryshme me animatorë profesionistë. Lodrat e ndryshme që u dhuruan dhe çastet gazmore me animatorët, u mirëpritën nga pacientët e vegjël dhe prindërit e tyre. Duke iu uruar fëmijëve shërim të shpejtë dhe festa të gëzuara, stafi i ABI Bank premtoi se edhe në ardhmen do të vazhdojë bashkëpunimin me spitalin Pediatrik të QSUT, për aktivitete të tjera bamirësie dhe edukative.
Faleminderit ABI Bank.
Kujdesi për fëmijët e vegjël dhe të rriturit
Dr.Klevis Thomai, mjek kirurg në Shërbimin O.R.L
Trupat e huaj janë sende të cilat ngelin në pjesë të ndryshme të organizmit. Ndonjëherë mund të jenë edhe pjesë të vet organizimit si psh, një dhëmb i cili mund të aspirohet dhe të shkojë në mushkëri. Trupat e huaj, përveç mushkërisë mund të ngelin në ezofag, në hundë apo veshë. Ato ndahen në dy kategori: trupa të huaj në rrugë ajrore që përfshin hundë, laring dhe mushkëri dhe trupa të huaj në rrugë digjestive që janë në fundit e gojës dhe në ezofag.
Trupat e huaj ndahen në organikë dhe joorganikë. Në trupat organikë futen mishi, fruta apo kocka të ndryshme, të cilët ngelin zakonisht në ezofag ku më të rrezikshme për ezofagun janë kockat apo mishi me kockë, pasi kocka mund të çajë ezofagun dhe të japë kompikacione të rrezikshme. Ndër ushqimet qe ngelin në rrugët ajrore janë kryesisht farat e të gjitha llojeve, arra, kikirik, lajthi dhe këto ndodhin kryesisht te fëmijët e vegjël. Trupat organikë ngelin më shumë në rrugët ajrore tek fëmijët, flitet gjithmonë për ushqime që ata mund t’i thithin kur i hanë, si psh shega apo ushqime të tjera të vogla të kësaj natyre. Por, në rrugët ajrore mund të përfundojnë edhe trupa jorganikë siç janë sende apo lodrat e fëmijëve. Më të rrezikshme ndër to janë gjilpërat, pineskat, paramandat, të cilat fëmijët mund t’i mbajnë në gojë dhe i aspirojnë pa dashje. Paramanda paraqet një rrezikshmëri të lartë pasi mund të hapet pasi është aspiruar dhe ka përfunduar në mushkëri apo ezofag dhe është shumë e vështirë për t’u hequr. Trupat joorganik janë lodrat e ndryshme të fëmijëve, ku më e shpeshta te fëmijët e vegjël janë monedhat, kurse tek të rriturit më e shpeshta është proteza dentare si dhe bateritë. Bateritë kanë rrezikshmëri të lartë pasi brenda 6 orësh mund të derdhen në ezofag lëndët e batërisë dhe mund të shkaktojnë shpim të ezofagut, gjë që mund të japë komplikacione dhe rrezikshmëri shumë të lartë.
Simptomat tek moshat pediatrike
Duke nisur nga foshnjat 6-muajshe, trupat e huaj, mund të ndodhin në të gjitha moshat, sigurisht që pjesa më e madhe janë moshat pediatrike. Më shumë rastet e gjendjes së trupave të huaj në rrugët ajrore janë te fëmijët e vegjël dhe këto trupa janë kikirikë apo arra që shkaktojnë bllokim të mushkërisë dhe shpesh këta fëmijë kanë ardhur në shërbimin tonë në gjendje shumë të rëndë. Më të rralla janë lodrat dhe kockat që mund të ngelin në rrugët e frymëmarrjes të këta fëmijë. Ndërkohë trupat e huaj në rrugët digjestike tek fëmijët e vegjël kanë qenë kryesisht monedhat. Tek të rritur rasti më i shpeshtë është mishi në ezofag, pra në rrugët e ushqimit dhe që vjen nga gëlltitja e mishit pa e përtypur atë. Më të rrezikshme për të rriturit janë protezat, kryesisht modelet e vjetra me tela, pasi ato nëse arrijnë në ezofag mund ta shpojnë atë, duke shkaktuar edhe vdekje. Problemi më i madh tek fëmijët e vegjël paraqitet kur trupat e huaj bllokojnë rrugët ajrore, pasi mund të mbyten. Fëmijët nga 0-3 vjeç duhet të jenë gjithmonë në mbikqyrjen e të rriturit. Në të gjitha protokollet ndërkombëtare pyetja e parë që shtrohet në rastet e fëmijëve, kur jepet ndihma mjekësore, është nëse ka pasur ndonjë njeri të pranishëm me fëmijën, në momentin që ka ndodhur aspirimi apo gëlltitja e sendit. Kjo për të kuptuar situatën. Nëse fëmija ka kapërcyer një kopsë të vogël, që zakonisht shkon në rrugët e ushqimit. nuk ka asnjë lloj problemi, por nëse kopsa ka qenë aq e madhe sa mos të ketë kaluar në rrugët e ushqimit, fëmija ka ndjesinë e të vjellit pasi vet organizmi kërkon ta nxjerrë kopsën, shtohet pështyma në gojë dhe nëse ha ushqime të forta ato do t’i kthehen mbrapsht prej kopsës, pasi nuk kalojnë dot poshtë. Në këtë rast paraqitesh në spital. Bëhet diagnostiki i saktë nëpërmjet grafisë dhe sipas rastit realizohet edhe ndërhyrja.
Nëqoftëse trupi i huaj kalon në rrugët ajrore atëherë situata është shumë më dramatike. Trupi i huaj fillimisht kalon në laring dhe e bllokon atë, duke shkaktuar marrje të frymës dhe nxirrje për 2-3 min më pas laringu hapet dhe trupi i huaj në varësi të madhësisë mund të kalojë në mushkëri. Ky është një moment shumë i veçantë kur duhet ruajtur qetësia dhe nuk duhen futur duart në gojë. Ka manovra të veçanta, siç është manovra Heimlich për t’i nxjerrë fëmijës trupin e huaj të ngecur mbi apo në laring, të cilat mund të bëhen nga të afërmit e fëmijës sepse mund të mos mjaftojë koha për ta çuar fëmijën në spital, sidomos nëse trupi i huaj është shumë i madh. Gjithë kjo ndërhyrje duhet të ndodh në harkun e 2-3 min për të mos lejuar trupin e huaj të kalojë në mushkëri. Nëse trupi i huaj e kapërcen laringun dhe kalon në mushkëri, situata lehtësohet për momentin, fëmija arrin të marrë frymë por do të ketë gjatë gjithë kohës marrje fryme dhe kollë pasi mushkria reagon ndaj trupit të huaj për ta nxjerrë atë jashtë dhe mekanizmi i vetëm që ka është kolla. Një trup i huaj në mushkëri, kërkon një ndërhyrje emergjente nga mjeku, pasi ai mund të bllokojë të gjithë mushkërinë nga oksigjenimi dhe fëmija të humbasi jetën për 3 minuta.
Simptomat tek të rriturit
Simptomat edhe tek të rriturit janë të njëjta me fëmijët, me ndryshimin e vetëm që i rrituri e shpreh vet situatën se çfarë ka gëlltitur dhe se ku mund të ndodhet objekti. Për të thelluar diagnozën bëhen edhe ekzaminimet radiologjike më pas, psh një grafi me kontrast që shikon kalueshmërinë e kontrastit në ezofagut. Një formë tjetër diagnostimi është edhe fibro-ezofagoskopia. Grafia aplikohet edhe te fëmijët, në rastet kur trupat e huaj ngelin në ezofag.
Ndërhyrja kirurgjikale
Ndërhyrja për të hequr një trup të huaj zgjat nga 5 minuta deri në 5 orë. Ndërhyrjet e vështira që zgjasin 5 orë janë rastet kur një turp i huaj i apiruar ka ngelur në mushkëri, flasim këtu kryesisht për fëmijët të cilët mund të kalojnë ushqime të forta si kikirika. Në këtë rast trupi i huaj shkatërohet në mushkëri pra ndahet në pjesë të vogla dhe nxirret me copa të vogla, pasi punohet me vegla shumë të vogla.
Ndërhyrjet për të hequr trupat e huaj në organizëm bëhen vetëm në Shërbimin e ORL në Spitalin Francez në QSU “Nënë Tereza”, pra asnjë spital tjetër nuk i kryen ato. Ato bëhet me anestezi gjenerale dhe teknikat janë shumë delikate. Teknika e ndërhyrjes bëhet me endoskopi rigide (pra me tubë të fortë, jofleksibël) dhe prandaj janë shumë të vështira pasi punohet në vende të buta si ezofagu apo mushkëria me tuba metalik. Këto teknika paraqesin edhe rrezikshëri të lartë. Sa më shpejt të paraqitet pacienti në spital aq më i lehtë do të jetë edhe rikuperimi i tij pasi ndërhyrjes.
Pasojat që sjellin trupat e huaj në organizëm
Trupat e huaj në ezofag kanë tendencë të dobësojnë muret e ezofagut deri në rrezikun për ta shpuar atë. Shpimi i ezofagut çon në daljen e lëngjeve në kraharor e cila ka një vdekshmëri mbi 50% të rasteve, nëse ndodh si fenomen. Fatmirësisht në vitet e fundit nuk kemi pasur asnjë rast vdekjeje nga kjo diagnozë apo të tjera lidhur me trupat e huaj në organizëm. Ndërkohë trupat e huaj në mushkëri përveç rastit kur bllojnë të gjithë mushkërinë dhe shkaktojnë humbjen e jetës, shkaktojnë edhe dëmtim në formën e infeksioneve të përsëritura, kollë e zgjatur, temperaturë deri në bllokim të njërës mushkëri. Ka pasur raste që pacientët janë paraqitur në spitalin tonë pas 3 muajsh të aspirimit të trupit në mushkëri.
Statistikat
Në Shërbimin O.R.L paraqiten çdo vit rreth 500 raste me dyshimin se kanë trup të huaj në oraganizëm dhe nga këta, diagnostikohet realisht prezenca e trupit të juaj në më pak se 1/3 e rasteve. Nga këto raste 60% e zënë moshat pediatrike dhe 40% të rriturit. Të gjitha këto raste të paraqitura në spitalin tonë janë të zgjidhura dhe pacientët gëzojnë shëndet të plotë.
Këshilla
Si të rriturit për veten e tryre ashtu edhe për fëmijët duhet të tregojnë një kujdes të veçantë. Parandalimi i këtyre rasteve është shumë i rëndësishëm duke ditur rrezikun që mund të shkaktojnë trupat e huaj në organizëm. Aspirimi apo gëlltitja e trupave të huaj te fëmijët vjen si pasojë e konsumimit të ushqimeve jo të përshtatshme për moshën e tyre dhe e moskujdesit nga ana e prindërve për rastin e objekteve jorganike. Fëmijët nga 0-3 vjeç duhet të konsumojnë ushqime të caktuara dhe të luajnë me lodra të përshtatshme për moshën e tyre. Këta fëmijë nuk duhet të konsumojnë ushqime të vogla dhe/apo të forta si farat, karamelet, rrushi, lepirëset apo të luajnë me lodra që ndahen në pjesë të vogla, të cilat fëmija mund t’i fusë lehtësisht në gojë dhe që nuk janë të rekomanduara për këtë moshë. Edhe lodrat e përshtatshme për moshën 0-3 vjeç nëse thyhen, duhet t’i hiqen fëmijës. Në rrobat e fëmijëve të kësaj moshe nuk duhen mbajtur as aksesor të cilët janë të kapërcyeshëm.
Edhe për kategorinë nga 3-5 vjeç ka lodra që nuk duhen përdorur nga kjo kategori, madje edhe për fëmijët deri në 8 vjeç. Në këto mosha duhet pasur kujdes edhe me mjetet shkollore ku, psh kapaku i stilolapsit është shumë i rrezikshëm. Këta fëmijë duhen edukuar që mos të fusin gjë në gojë, që nuk është ushqim.
Ndërkohë për të rriturit duhet patur kujdes në përtypjen e mishit si dhe protezat e dhëmbëve, gjë të cilat kërkojnë një edukatë orale dhe nutricionale, që do të thotë që dhëmbët të jenë të shëndetshëm dhe ushqimi mos të konsumohet me nxitim.
Manovrat e shpejta të shpëtimit të jetës
Manovra Heimlich është ndihma e shpejtë që mund t’i japim një fëmije apo të rrituri që mbytet nëpërmjet kapërcimit të një trupi të huaj. Kjo manovër ndryshon nga fëmijët e vegjël te të rriturit. Fëmijët e vegjël kthehen me kokën poshtë dhe goditen në kurriz (si në foto) për të nxjerrë sendin apo ushqimin. Ndërkohë i rrituri kapet nga pas dhe me duar i ngjeshet pjesa e stomakut.