Mbi Master-Planin e Zhvillimit të QSUNT
Me qëllim modernizimin dhe zhvillimin e mëtejshëm të cilësisë së shërbimit të kujdesit shëndetësor është parë si domosdoshmëri vlerësimi i kapacitetit të nevojave të spitalit për dhjetëvjeçarin e ardhshëm. Ky proces ka sjellë hartimin e master-planit të zhvillimit të Qendrës Spitalore Universitare “Nënë Tereza” i cili përcakton shërbimet që do të ofrohen për qytetarët dhe vendndodhjen e tyre, cilat do të jenë burimet e nevojshme njerëzore dhe fizike për funksionimin e sistemit dhe si do të jenë ato.
Nëpërmjet projektit për master-planin e QSUNT është hartuar një kornizë strategjike dhe operacionale e cila udhëzon mbi shpërndarjen e këtyre burimeve.
Qëllimet e Master-Planit:
- Sigurimi i trajtimit të qëndrueshëm dhe me cilësi të lartë për pacientin;
- Ndërtimi i themeleve për optimalizimin e proceseve dhe strukturave organizative;
- Alokimi efikas i resurseve;
- Përcaktimi i prioriteteve që kanë të bëjnë me investimet e nevojshme;
- Të bazuarit e master-planit në strukturat e zhvilluara historikisht.
Çfarë do të përmirësohet?
- Implementimi i master-planit të zhvillimit do të hedhë bazat drejt krijimit të një spitali modern universitar.
- Përmirësimi i cilësisë nënkupton në rradhë të parë ndryshimin e organizimit.
- Do të përmirësohet cilësia e shërbimeve mjekësore përmes përmirësimit të strukturave administrative;
- Do të optimalizohen proceset;
- Do të krijohen shërbime të centralizuara;
- Do të rritet efikasiteti nëpërmjet optimalizimit të shfrytëzimit të burimeve, mirëshpërndarjes së tyre dhe shfrytëzimit efikas të pajisjeve mjekësore;
- Reduktimi i kostove të energjisë dhe mirëmbajtjes;
- Zhvillimi i strategjive unitare dhe strukturave vendimmarrëse;
- Krijimi i standardeve unitare për aktivitetet mjekësore.
