Regjimi i vizitave në spital
Udhëzime të qarta për aksesin e familjarëve në strukturat spitalore
🎯 Qëllimi i regjimit të vizitave
- Mbrojtjen e jetës dhe shëndetit të pacientëve
- Parandalimin e infeksioneve
- Mosndërprerjen e trajtimit të pacientëve
- Menaxhimin e fluksit të vizitorëve
👤 Numri i vizitorëve
Lejohet vetëm 1 familjar për pacient për çdo interval vizite.
⏱ Kohëzgjatja e vizitës
Vizita nuk duhet të zgjasë më shumë se 15 minuta, përveç rasteve të autorizuara nga mjeku përgjegjës.
📍 Informimi për oraret
Orari i vizitave dhe rregullat e aksesit për familjarët afishohen qartë në hyrjet kryesore të spitalit dhe në mjediset e pritjes.
⚕ Raste të veçanta
Në varësi të tipologjisë së pacientëve, mund të aplikohet vetëm një orar vizite, i përshtatur me nevojat specifike, gjithmonë brenda intervaleve kohore të përcaktuara nga institucioni.
🩺 Vendosja e kufizimeve
Kufizimet vendosen mbi bazën e gjendjes klinike të pacientit dhe vlerësimit profesional të stafit mjekësor.
Masat në situata të jashtëzakonshme
Në raste situatash epidemiologjike, emergjencash shëndetësore apo rrethanash që cenojnë sigurinë dhe funksionimin normal të institucionit, Drejtoria e Përgjithshme mund të vendosë kufizim ose pezullim të përkohshëm të vizitave, me akt të veçantë administrativ.