Telefon : 00355 4 2349233

Urgjenca (për Tiranën) : 00355 4 2222235

Rruga e Dibrës, Nr. 372, Tiranë (Shiko ku gjendet në hartë)

Rezervimet e Konsultave Ambulatore (e hënë - e premte) : 0800 28 28 (vetëm nga numër fiks) 00355 4 2349217

Kreu > Lajme > QSUT: S’ka më mungesë ilaçesh

QSUT: S’ka më mungesë ilaçesh

Pas një krize të thellë të ilaçeve në QSUT, ku çdo pacienti i duhej të blinte medikamente në farmacitë private përreth, pasi në spitale nuk gjendeshin, prindër që prej ditësh kanë fëmijët shtruar në pavionin e Pediatrisë dëshmojnë të kundërtën.

 

“Pesë ditë sot, s’kam blerë as ilaçe, asgjë. E kam me ftohje, pneumoni, në krahun e djathtë. I pyeta mjekët nëse ka nevojë të blej ndonjë ilaç jashtë, më thanë absolutisht jo. Të gjithë ilaçet ndodhen në spital”, tha një prind.

 

Një tjetër prind, i pyetur nëse ka ilaçe spitali, u shpreh: “Po, ka. Për fëmijën tim nuk ka munguar asnjë lloj ilaçi”.

 

Shefja e Shërbimit të Onko-Hematologjisë, ku trajtohen fëmijë me probleme në gjak dhe medikamentet janë të kushtueshme, thotë se nuk mungojnë as citostatikët, ndërkohë që disa muaj më parë, në këtë shërbim mungonin deri dhe pambuku, alkooli dhe dorezat për bluzat e bardha.

 

“Ndoshta prej 2-3 javësh kemi një furnizim shumë të mirë me medikamentet, thuajse janë të gjitha. Madje citostatikët, ato që kushtojnë më shumë e që janë preokupimi ynë i vazhdueshëm, tashmë i kemi. Faktikisht kam parë shumë angazhim nga ana e drejtuesve të QSUT-së, qoftë për të bërë blerje direkte deri në furnizimin e tenderave, qoftë duke u konsultuar vazhdimisht me ne mbi medikamentet që janë prioritare, që s’duhet të mungojnë kurrë. Ajo që më intereson është që në pavion i kam thuajse të gjitha medikamentet e nevojshme. Shpresojmë të vazhdojë kështu”, u shpreh Anila Godo, shefe e Shërbimit të Onko-Hematologjisë.

 

Pacientë me probleme të zemrës, të shtruar në spital prej 3 javësh, pohojnë se nuk u është dashur të blejnë vetë asnjë medikament.

 

Në Drejtorinë e QSUT thonë se janë duke u mbyllur kontratat e fundit për furnizmin e spitaleve me mediakamente, sipas listës së miratuar nga Ministria e Shëndetësisë.

 

“Momentalisht nuk kemi mungesa serioze sa i përket medikamenteve të shportës bazë dhe materialeve mjekësore që deri dikur kanë munguar në QSUT, siç janë pambuku, alkooli, dorezat etj. Absolutisht nuk bëhet fjalë që të mungojnë këto materiale mjekësore, qoftë edhe për sa i përket barnave të shportës bazë, si ato të Urgjencës, Reanimacionit apo ato të pavioneve. Jemi në fazën e firmosjes së kontratave të fundit, për sa i përket mbulimit tërësor të medikamenteve me listën e barnave për përdorim spitalor”, thotë Ogerta Manastiliu, drejtore e QSUT.

 

Drejtorja Manastirliu u kërkon mjekëve të respektojnë listën e medikamenteve për përdorim spitalor dhe mos të orientojnë pacientët drejt farmacive private, duke i kërkuar të blejnë ilaçe në emër të kompanive të ndryshme prodhuese.

 
 

(Marrë nga “Top Channel”)

 






Rezervo Konsultën Ambulatore Rezervo
Konsultën
Ambulatore
Na ndiqni në Facebook