Telefon : 00355 4 2349233

Urgjenca (për Tiranën) : 00355 4 2222235

Rruga e Dibrës, Nr. 372, Tiranë (Shiko ku gjendet në hartë)

Rezervimet e Konsultave Ambulatore (e hënë - e premte) : 0800 28 28 (vetëm nga numër fiks) 00355 4 2349217

Kreu > Lajme > Konferenca e 3-të Kombëtare e Reumatologjisë

Konferenca e 3-të Kombëtare e Reumatologjisë

Shërbimi i Reumatologjisë QSUT dhe Shoqata për Sëmundjet Muskulo-skeletike dhe Autoimune realizuan më datë 27 dhjetor 2013, Konferencën e 3-të Kombëtare të Reumatologjisë me pjesëmarrjen e mjekëve Reumatologë nga Shqipëria dhe Kosova si dhe me pjesëmarrjen e mjekëve të specialiteteve të ndryshme.

 

Në konferencë u diskutuan një larmi temash dhe u shkëmbyen eksperienca personale. Çështjet kryesore të konferencës ishin nga më bashkëkohoret si mjekimet me barnat biologjike, diagnostikimi bashkëkohor në kolagenopatitë si dhe tematika të tjera. U diskutuan protokollet e standardizuara për patologji të veçanta. Në shërbimin tonë prej 2 vitesh realizohet aplikimi i preparateve biologjike si Etanercept, Adalimumab për trajtimin e Artritit Rheumatoid dhe Spondilitit Ankilozant, Acidi Ibadronik për trajtimin e Osteoporozës. Vazhdojmë aplikimin e Iloprostit për trajtimin e simptomave të Sclerodermisë sistemike.

 

Në Shërbimin e Reumatologjisë QSUT shtrohen rreth 1800 pacientë në vit, ku ngarkesa e sëmundjes është përkatesisht për Artritin Reumatoid me 54%, Kolagenopatit (LES, DM-PM, Sclerodermia, Sjogren sindrom, sindromat vaskulitike etc) me 28%, Spondiloartropatitë dhe Osteoartrozat me 18%. Gjatë periudhës nëntor 2012 – tetor 2013, janë trajtuar dhe kanë dalë nga klinika 1688 raste me 8101 ditë qëndrimi gjithsej. Prej tyre 106 raste janë paraqitur si urgjente, 1582 raste me planifikim; 30.05% meshkuj dhe 69.95% femra. Xhiro e shtratit është realizuar 97.8% dhe ditë qëndrimi është 4.79

 

Shërbimi Reumatologjisë Q.S.U.T.-së përballon nevojat e shërbimit terciar në rang vendi, shërben si qendër e specializimit për mjekët e rinj reumatologë dhe realizon punë kërkimore shkencore në nivele të larta.



Rezervo Konsultën Ambulatore Rezervo
Konsultën
Ambulatore
Na ndiqni në Facebook