Telefon : 00355 4 2349233

Urgjenca (për Tiranën) : 00355 4 2222235

Rruga e Dibrës, Nr. 372, Tiranë (Shiko ku gjendet në hartë)

Rezervimet e Konsultave Ambulatore (e hënë - e premte) : 0800 28 28 (vetëm nga numër fiks) 00355 4 2349217

Kreu > Lajme > Aparatura të reja në shërbimin e Onkohematologjisë Pediatrike për pacientët e vegjël

Aparatura të reja në shërbimin e Onkohematologjisë Pediatrike për pacientët e vegjël

Në 1 Qershor, fëmijët që kurohen në shërbimin e Onkohematologjisë Pediatrike në Qendrën Spitalore Universitare “Nënë Tereza”, kanë marrë dhuratë një aparat respirator të teknologjisë më të fundit për terapinë intensive, Eko për fëmijët me kardiopati dhe një dhomë të pajisur me televizorë dhe poltrona me pompa multifunksionale, ku ata bëjnë kimioterapinë, falë projektit “Ti je një luledielli”.

 

Shefja e shërbimit të Onkohemtologjisë Pediatrike, prof. Anila Godo vlerësoi këtë projekt në ndihmë të pacientëve të vegjël.

 

“Ta marrësh kimioterapinë në një dhomë me kushte të mira, me standarde të kohës, do të thotë një efektshmëri më e mirë e trajtimit, fëmijë dhe familje më të qeta nga ana psikologjike”, u shpreh prof. Godo.

 

Nismëtarja e projekti “Ti je një luledielli”, Albana Osmani falenderoi të gjithë ata që kontribuan, si në fonde, por dhe me mbështetjen e tyre, në këtë projekt në ndihmë të pacientëve të vegjël.

 

“Nuk duhet të harroj kurrësesi 3 mijë njerëzit që blenë këto bluza, kanë qenë 3 mijë shqiptarë nga e gjithë bota. U përulem në falenderim gjithsecilit prej tyre dhe i kam quajtur ambasadorë të një misioni, sepse ky projekt u shndërrua në një mission”, u shpreh Albana Osmani.

 

Projekti “Ti je një luledielli” nisi si një nismë vullnetare, duke u shndërruar më pas në një fushatë që mori përmasë në rrjetet sociale për të themeluar më pas Fondacionin “You are a sunflower”.

 



 





Rezervo Konsultën Ambulatore Rezervo
Konsultën
Ambulatore
Na ndiqni në Facebook